Plantun de Prouvènço

Pèr coumpara dos planto d'encò nostre

Myosotis arvensis & Bupleurum falcatum subsp. cernuum

Te-vese-e-t'ame(-de-champ)

Myosotis arvensis

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis des champs, Myosotis intermédiaire.

Descripcioun :
Aquéu te-vese-e-t'ame trachis di plano de coustiero fin qu'en mountagno. Es uno planto coumuno, mai pas toujour eisado de destria de si cousino. Dins lou group di flour pichoto (1 à 4 mm), soun pulèu li mai grando, si cambo soun un pau mai espésso (> 1mm), e emé d'enflourejado que fan mens de la mita de la planto. Se recounèis classicamen que li pecou di flour d'en bas dèvon èstre dous cop mai long que li sepalo di flour, mai sèmblo pas toujour lou cas.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 10 à 60 cm
Fueio : basalo
Tipe bioulougico : Emicriptoufite
Cicle bioulougico :

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 2 à 4 mm
Flourido : Printems - Estiéu

Sòu : Ca
Autour basso e auto : 0 à 1400 m
Aparado : Noun
Abriéu à setèmbre

Liò : Ermas - Prado - Tepiero sablouso - Bos clar
Estànci : Termoumediterran à Subaupen
Couroulougi : Éurasiatico
Ref. sc. : Myosotis arvensis (L.) Hill, 1764

Buplèvre(-en-daio)

Bupleurum falcatum subsp. cernuum

Apiaceae Umbelliferae

Noms en français : Buplèvre penché, Buplèvre en faux.

Descripcioun :
Aquéu buplèvre-en-daio, de la subsp. cernuum, trachis dins lis Aup dóu miejour, subretout à l'instànci subaupin. La planto, pulèu grando e verdalo, se recounèis eisadamen bonodi si fueio en daio o en voulame s'amas mies. La subsp. presentado eici à mens de dès rai inegau à sis oumbello e se recounèis peréu à si fru de 4 à 6 mm que soun quàsi ala (fotò).

Usanço :
Aquesto planto èi pas utilisado au nostre, soulamen en medecino óurientalo. Pamens es esta trouba d'ùni prouprieta coume èstre anti-enflamativo, antispasmoudico e estoumatico.

Port : Grando erbo
Taio : 20 à 80 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) enflourejado : 2 à 4 cm
Flourido : Estiéu

Sòu : Ca
Autour basso e auto : 1000 m à 1700 m
Aparado : Noun
Juliet à setèmbre

Liò : Bos clar - Óuriero de bos - Tepiero
Estànci : Mountagnard à Subaupen
Couroulougi : Éurasiatico
Ref. sc. : Bupleurum falcatum subsp. cernuum (Ten.) Arcang.,1894

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Myosotis arvensis & Bupleurum falcatum subsp. cernuum

Coumpara Te-vese-e-t'ame(-de-champ) emé uno autro planto

Coumpara Buplèvre(-en-daio) emé uno autro planto